அணுக்கரு உலையடி இதயம்
அளித்திட வேண்டுமே உபயம் - உன்னை
நினைத்திடும் ஒவ்வொரு நிமிடம்
ஆற்றலை உமிழ்ந்திடும் தருணம்
நியூட்ரான் அன்பினால் தாக்கினாய்
யுரேனியத் தீயினை மூட்டினாய்
காட்மியத் தகடுகள் ஏற்றினாய் - பின்
காதலின் கனநீர் பாய்ச்சினாய்
எரிபொருள் ஏதும் தேவையில்லை - உன்
இருவிழிப் பார்வை போதுமடி
மறுபதில் என்பது ஏதுமின்றி - என்
மனமது வினைகளைத் தொகுத்திடுமே...
கருத்துகள் இல்லை:
கருத்துரையிடுக